Uchanganuzi Wa Fantasia Katika Hadithi Fupi Za Watoto Za Nyambura Mpesha

Abstract

Fasihi ya watoto imepewa urnuhimu mkubwa na wahakiki, wanasaikolojia, wanaelimu-jamii na wanahistoria. Wametarnbua kwamba ni fasihi iliyo na utajiri, upevu na burudani. Hata hivyo, fantasia kama mbinu muhimu katika hadithi za watoto haijashughulikiwa kwa dhati na wahakiki na wasomi. Utafiti huu ulitathmini vipengee vya kifasihi vinavyozua fantasia katika hadithi fupi za watoto za Nyambura Mpesha. Mbinu ya uchambuzi Wa yaliyomo ikiongozwa na nadharia ya fantasia ya Bormann (1990) mtumika. Nadharia hii inashikilia kuwa maana ya ishara zinazotumika katika fantasia husababisha ushirikiano na utangamano. Makisio manne ya nadharia hii yalitumiwa kuchanganua muundo wa fantasia. Katika utafiti huu, makisio hayo yalitumika kama mihimili iliyouongoza utafiti katika kuchanganua muundo na umuhimu wa fantasia katika kazi teule za Nyambura Mpesha (1997 - 2005). Kuafikia haya, vitabu vinne vya hadithi vilivyoandikwa na mwandishi katika lugha ya Kiswahili vilisomwa na kuhakikiwa. Deta ya kimsingi iliangazia jinsi vipengee vya kifasihi vinavyotumiwa na waandishi katika kuibua fantasia katika hadithi za watoto. Palitumika mbinu ya kithamano katika uchanganuzi wa data na katika kueleza matokeo. Utafiti huu ulitoa mwanga kuhusu vijenzi vya fantasia na ufaafu wake katika hadithi za watoto. Matokeo ya utafiti huu ni muhimu madhali utawaelekeza waandishi chipukizi katika kutumia fantasia ifaavyo katika uandishi wa vitabu bora vya watoto vyenye kuburudisha na kuclimisha.